Call-center 1411

You are here

Сәтті жобалар

Ізтілеуова Аида Ақтөбе қаласының Жұмыспен қамту орталығына шағын несие алу мүмкіндіктері жөнінде кеңес алу үшін жолыққан кезінде жеке кәсіпкер статусына ие болған. Жолығу барысында Аида кәсіпкерлігін кеңейту үшін кулинария цехын ашуға ниет білдірді. Өз кәсіпкерлігін 2010 жылдан бері бастап келеді.           

2012 жылдың 3 тамыз айында Аида Ақжар-2 елді мекенінде қолданыстағы шағын бизнесті кеңейту үшін 3 млн. тг көлемінде шағын несие алды. Нәтижесінде, кулинария цехын салып, бизнесін әрі қарай кеңейтіп жатыр.

Сонымен қатар, Ізтілеуова Аида Бағдарлама шеңберінде жетіспейтін инженерлік-коммуникациялық инфрақұрылымды дамытуға ниет білдіріп, осыған сәйкес 628 836 мың.тг қаражат бөлінді. Инженерлік-коммуникациялық инфрақұрылымды дамыту щеңберінде кулинария цехы аумағын абаттандырды.

Ақтөбе облысы, 28.10.2014

Қабышев Ардақ Арқашұлы 13.03.1963 жылы туған,тұрғылықты жері Семей қаласы Озерки ауылдық округына қарасты «Қайыңды» ауылы. Жоғары  білімді, инженер-механик мамандығы бар азамат, отбасында әйелі, екі баласы бар. Ұлы колледждің бірінші курс студенті, қызы мектепте 4-сыныпта оқиды. 2010 жылға дейін әр түрлі шаруалармен айналысып келген.

Заманның ағымына қарай уақыттың сұранысына байланысты белгілі бір кәсіппен айналысуына тура келеді, ол кәсібі ағаш өңдеп түрлі ыдыстар жасау еді. Қандай істі болсада жалғастыру үшін қаражаттың керектігі туындайды. Бұл тығырықтан шығуға «Жұмыспен қамту жол картасы 2020» бағдарламасы септігін тигізіп отыр дейді ауыл кәсіпкері. Бағдарламаға қатысу үшін «Семей қаласы әкімдігінің жұмыспен қамту орталығы» КММ-не өтініш беріп, «КазБизнес-Консалтинг» жауапкершілігі шектеулі серіктестік оқыту мекемесі арқылы кәсіпкерліктің негіздеріне оқыту курсынан өтеді.

Шығыс Қазақстан облысы, 28.10.2014

Емуранов Анатолий Борисович – 1958 жылы 20 мамырда Атырау қаласында дүниеге келген. 2009 жылы 16 қазанда жеке кәсіпкер ретінде салық органына тіркелген. Фермерлік шаруашылығын кеңейту мақсатында Емуранов Анатолий 2013 жылы “Жұмыспен қамту 2020 жол картасы” бағдарламасымен шағын несие алу үшін Жұмыспен қамту орталығына құжаттарын тапсырды. “Консалтинговая Компания КОНСУЛ” ЖШС-і арқылы кәсіпкерлік негіздеріне оқу курсынан өтіп, құс және қоян шаруашылығын дамытуға 3 млн.теңге көлемінде несие алды.

“Рассвет” ферма шаруашылығы Еркінқала селолық округіне қарасты Сарыөзек ауылында орналасқан. Анатолий Борисович 2 адамды жұмыспен қамтып отыр және алдағы уақытта қала аумағындағы ауруханаларды, сауда орындарын сапалы құс және қоян етімен, жұмыртқамен қамтамасыз етуді көздейді.

Сонымен қатар, жұмыртқасы емге шипалы бөдене құсын өсіруді қолға алуда. 

Атырау облысы, 17.10.2014

Баймұрынов Асылбек Тұрсынханұлы 2013 жылдан «Жұмыспен қамту 2020 жол картасы» бағдарламасының қатысушысы болып табылады. 2013 жылдың қыркүйек айында «Кәсіпкерлік пен инновацияларды дамыту орталығы» ЖШС ұйымдастырған кәсіпкерлік негіздеріне оқыту курсынан өтіп, сертификат алды.

2013 жылғы 6 қазанда шағын наубайхана ашу үшін «Ауыл шаруашылығын қаржылай қолдау қоры» АҚ арқылы 2,4 млн. теңге сомасында 6% жылдық пайызбен 4 жылға микрокредит алды. Демалыс кезеңі 12 айды құрады. Жыл бойы құрылыс жұмыстары жүргізілді.

2014 жылғы 13 қыркүйекте Көктөбе ауылында шағын-наубайхана ашылды. Наубайханада 3 адам жұмыс істейді, 2 нан пісіруші және тазалықшы. Күніне 150-160 дана нан пісіріледі, тапсырыс берушілер болса күніне 500 нанға дейін әзірлеуге мүмкіндік бар. 

Павлодар облысы, 14.10.2014

2014 жылдың 12 ақпан айында Есбергенов Арыстанбай жұмыспен қамту орталығына жолығу барысында «Жұмыспен қамту 2020 жол картасы» Бағдарламасының екінші бағыты жөнінде мамандардан кеңес алып, Благодар ауылдық округінде кәсіпкерлігін кеңейту мақсатында шағын несие алуға ниет білдірді. Ол  жеке кәсіпкер статусына ие.

Арыстанбай Бағдарлама аясында 2014 жылдың 2-8 сәуір айы аралығында «Бизнес Навигатор ЛТД» ЖШС-де кәсіпкерлік негіздері курсын оқып шықты.

Бағдарлама қатысушысы 2014 жылдың 26 маусым айында мал шаруашылығымен айналысу мақсатында 500 мың. тг көлемінде шағын несие алды.

Арыстанбай алған қаражатына текті қойлар сатып алып, кәсіпкерлігін әрі қарай дамытуда.

Ақтөбе облысы, 30.09.2014

Бағдарламаның екінші бағыты ұйым немесе өз ісін кеңейту арқылы кәсіпкерлікке демеу жасау және экономикалық белсенділікті арттыруды қарастырады.

Бағдарламаның осы бағытына қатысуға тілек білдірушілердің бірі Качир ауданының Тереңкөл ауылынында тұратын 1975 жылы туылған Наталья Анатольевна Дикова болды.

Н.А.Дикованың жоспарларының бірі тігін ісімен айналысу болды, өйткені ол әйел киімдерінің сыртқы және жеңіл тігу бойынша әлдеқашан дипломды шебер болды.

Жұмыспен қамту 2020 Бағдарламасы шеңберінде Наталья Анатольевна екі апталық кәсіпкерлік негіздерін оқытуды өтіп, микрокредит  алды және Тереңкөл ауылы Торайғыров көшесі бойынша орналасқан өз ісін «Тігін салонын» ашты.

Қазіргі уақытта салон табысты жұмыс істеп жатыр, тұтынушылар саны күн сайын өсіп жатыр. Жақын арада Наталья Анатольевна кеңейтуді жоспарлауда.

Павлодар облысы, 18.09.2014

Жеке кәсіпкер Аргинбаева Манжу Хасанқызы - Ракуша селосының тұрғыны, 2013 жылы “Жұмыспен қамту 2020 жол картасы” бағдарламасының ІІ бағыты бойынша шағын несие алу мақсатында Атырау қалалық жұмыспен қамту орталығына құжаттарын тапсырып, бағдарлама мүмкіндіктерімен танысты. Туындаған сұрақтарына нақты жауаптар алып, несие алуға қызығушылық танытты.

“Astana School of Business and Technology” ЖШС арқылы кәсіпкерлік негіздеріне оқыту курстарына қатысып, куәлік алды. Оқу барысында құқықтық, маркетингтік, есеп жүргізу бағытында түсініктер беріліп, оқу сабақтары жүргізілді.

Атырау облысы, 17.09.2014

Жеке кәсіпкер Мухитов Махамбет Жолдаскалиұлы 2013 жылы “Жұмыспен қамту 2020 жол картасы” бағдарламасының ІІ бағыты бойынша шағын несие алу мақсатында құжаттарын Атырау қалалық Жұмыспен қамту орталығына тапсырды.

“Astana School of Business and Technology” ЖШС арқылы кәсіпкерлік негіздеріне оқыту курстарынан өтіп, жылыжай шаруашылығы мақсатына 3 млн.теңге көлемінде шағын несие алды.

Томарлы ауылының маңынан жылыжай салды. Жылыжайда жасыл өскіндерді суару голландиялық әдіспен жүзеге асырылуда. Жылыжайдың жалпы көлемі 400 шаршы метрді құрайды.

Өз ісінен пайда көріп, көкөністердің жаңа түрлерін өсіруді жоспарлап отыр. Қосымша үш жұмыс орнын құрып, 3 адамды жұмыспен қамтыды.

Атырау облысы, 17.09.2014

     Қалиева Айнұр Романқызы, Атырау облысының Геолог селолық округінің тұрғыны, жастайынан сурет өнеріне қызығушылығы болғандықтан, Атырау қаласында Кіші өнер академиясында «киім пішу және модельдеу» мамандығын меңгерді. Осы мамандықты одан әрі дамыту мақсатында Алматы қаласындағы Т. Жүргенов атындағы Өнер академиясына «дизайн интерьері» мамандығы бойынша оқуға түсіп, оқу орынын бітіргеннен кейін мамандығы бойынша жеке ісін ашуға жоспарлады.

       Бұқаралық ақпарат құралдарынан «Жұмыспен қамту 2020» бағдарламасының екінші бағыты арқылы шағын несие алып, өз ісін ашуға мүмкіндіктер бар екендігін біліп, Қалалық жұмыспен қамту орталығына хабарласты.

Атырау облысы, 16.09.2014

Добридник Виктор Романович 1957 жылы 7 маусымында Луганск ауылында дүниеге келген. Өз ісімен айналысу Виктордың ойына бұрыннан келген. Бірақ, оны іске асыру үшінде ақшалай ресурстар керек болды. Виктор сонда-да өз ауылдастарына көліктерді, ауыл-шаруашылық техникаларды жөндеп жүрді. Өз ісінің маманы болуына осы түрткі болды. ЖК «Добридник»-тың ашылу 2 адамға жұмыс істеуге мүмкіндік бергенін айтып өту керек.

«Жұмыспен қамту-2020» мемлекеттік бағдарламасының пайда болуы өз ісін дамытуға оң әсер етті. Бұндай мүмкіндікті жібермей, 2012 жылы несие алды. Виктор өз ісін үлкейтумен қоса, автокөлік бояу цехын ашпақ ойда.

Виктор Романовичтың цехына елімізден ғана емес, сонымен қатар Ресей мемлекетінің автокөліктеріде келеді екен.

Өз ісін дамыту және үлкейту үшін «Жұмыспен қамту жол картасы-2020» бойынша тағы несие алмақ.

 

Павлодар облысы, 12.06.2014

Беттер